新勞動法

新勞動法要僱主為臨時工交足勞動保障，大量一直依靠臨時工方式減輕福利開支，如今全部要買勞保，一個等如一個臨時工加一倍人工，工廠自然頂唔順，廣東１萬間廠倒閉，對經濟的影響不言而喻，但大陸高官形容為陣痛，要頂過去，他們睇到新制的好處。

第一，現時講以民為本，新勞動法保障工人，自可收買人心。

第二，現時預計今年GDP增長為８％，實際隨時有１０％，這是扣減通脹的實質增長，加埋起碼４．８％的通脹，有近１５％的高速增長，自然唔怕工廠倒閉減慢一些。

第三，大量加工業增加人民幣升值壓力，商務部部長陳德銘表示，自05年人民幣匯率改革至今，人民幣匯價已經上升超過16%，因中國外匯儲備１４０００億美元計（現時其實超過１５０００億美元），由８算以上跌下來，唔見１６％，等如唔見差不多１８０００億元人民幣，由於加工廠增值少，數額大，做成的外貿順差令美國逼人民幣升值，升值損失點補都補唔番。你諗一問廠出口１００元，老闆賺５至７元，但唔上市的工廠走稅走得好厲害，交唔到１元稅，但中國要為這些出口加工業承受很大的人民升值壓力，覺得唔化算。

第四．廠佬賺錢之後，又在內地炒作，增大熱錢流動和通脹。

擇自陸羽仁大陸棋局（２）